Shqip
Logo F.R.I.D.A.S.
Fundamental rights in daily actions of social workers
FRIDAS është një projekt, i bashkëfinancuar nga BE-ja në kuadër të programit Erasmus+ , që synon të zhvillojë edukimin për punën sociale për të përmirësuar zbatimin praktik të të drejtave të njeriut nga studentët.
FRIDAS e vlerëson punën sociale si një profesion të rrënjosur në parimet e të drejtave të njeriut. Qëllimi është të zhvillohet dhe zbatohet një kurrikulë e bazuar në të drejtat e njeriut, e krijuar posaçërisht për të përforcuar njohuritë, aftësitë dhe qëndrimet e punonjësve socialë të ardhshëm. Akronimi i këtij Projekti Erasmus+ qëndron për Të drejtat themelore në veprimtarinë e përditshme të punonjësve socialë .
Sfondi dhe objektivat
Projekti FRIDAS nis nga supozimi se të drejtat e njeriut janë themelore për punën sociale; puna sociale është një profesion i të drejtave të njeriut. Në nivel ndërkombëtar nuk ka dyshim se ekziston një konsensus se të drejtat e njeriut janë të rëndësishme dhe relevante për punën sociale. Në të njëjtën kohë, debati akademik për të drejtat e njeriut mbetet në nivelin teorik me pak artikulim se çfarë do të thotë në praktikë për profesionistët në një kontekst evropian të pretendojnë se puna e tyre bazohet në të drejtat e njeriut. Partneriteti ka njohur urgjencën e përmirësimit të kompetencave të punonjësve socialë të ardhshëm në të drejtat e njeriut dhe praktikat e bazuara në të drejtat e njeriut për të mbështetur njerëzit në situata vulnerabël, duke promovuar drejtësinë sociale dhe një kulturë gjithëpërfshirëse ku “askush të mos lihet pas”.
Projekti FRIDAS synon:
- promovimin e një komuniteti të paanshëm në fushën e Arsimit të Lartë, veçanërisht në departamentet e punës sociale, i karakterizuar nga një kulturë e aftë për të luftuar paragjykimet, për të promovuar praktika anti-shtypëse dhe kulturën e diversitetit,
- fuqizimin e studentëve për të mos u ndikuar nga paragjykimet në zgjedhjet e tyre dhe në punën e tyre të ardhshme si punonjës socialë, gjë që do t'i bëjë ata të aftë të përballen me shkeljet e të drejtave të njeriut.
Foto: Colourbox.dk.
Për të arritur objektivat e lartpërmendura, FRIDAS synon të realizojë aktivitetet e mëposhtme:
- një koleksion rastesh ku punonjësit socialë profesionistë paraqesin situata të shkeljeve të të drejtave të njeriut, diskriminimit dhe vulnerabilitetit,
- korniza e kompetencave për të drejtat e njeriut për studentët e punës sociale,
- module arsimore të një kursi trajnimi për studentët mbi të drejtat e njeriut,
- zbatimi i një komuniteti virtual për studentët dhe praktikuesit për të ndarë praktikat dhe për të avokuar për DNJ.
Të gjitha materialet do të publikohen në faqen e internetit.
Paketa e të nxënit dhe mësimdhënies
Paketa e të nxënit dhe mësimdhënies e zhvilluar në kuadër të projektit F.R.I.D.A.S përbëhet nga një përmbledhje rastesh studimore që dokumentojnë shkeljet e të drejtave të njeriut në fushën e punës sociale (WP2) në vendet partnere, si dhe një kurs trajnimi gjithëpërfshirës (WP3).
Rastet studimore
Koleksioni i rasteve studimore përfshin 46 raste të vërteta të shkeljeve të të drejtave të njeriut, diskriminimit dhe përfshirjen sociale, të paraqitura përmes skedave didaktike të shoqëruara nga versionet përkatëse audio. Të gjitha rastet janë anonime.
Këtu mund të gjeni të gjitha rastet e paraqitura në një Broshurë me indeks.
Linku i të gjitha rasteve dhe versioni audio
Udhëzimet për përdoruesit
Një qasje efektive pedagogjike ndaj përmbledhjes së rasteve, kombinon studimin individual, punën në grupe të vogla dhe diskutimin në klasë, të mbështetur nga një strukturë e qartë që udhëzon procesin analitik. Udhëzimet për përdoruesit ofrojnë udhëzime të hollësishme për moderatorët që mund të zbatohen në seancat e punës në grup.
Linku i udhëzimeve për përdoruesit, me shtojcat
Raportet mbi testimin dhe vlerësimin e përmbledhjes
Përmbledhja e rasteve u testua nga 178 përdorues nga puna sociale dhe fusha të tjera arsimore për të vlerësuar përdorshmërinë dhe vlerën e tij arsimore në promovimin e një qasjeje të bazuar në të drejtat e njeriut. Përgjigjet ishin shumë pozitive, duke theksuar potencialin e fortë të të nxënit dhe rëndësinë praktike të skedave. Bazuar në rekomandimet e përdoruesve, rrjeti i partnerëve rishikoi dizajnin e skedës, përmirësoi gjuhën dhe përpunoi udhëzime për të mbështetur përdorimin efektiv në arsim dhe praktikë.
Linku i raporteve kombëtare, raportit transnacional dhe raportit përfundimtar
Financuar nga Bashkimi Evropian
Financuar nga Bashkimi Evropian. Pikëpamjet dhe opinionet e shprehura janë megjithatë vetëm ato të autorëve dhe nuk pasqyrojnë domosdoshmërisht ato të Bashkimit Evropian ose të Agjencisë Ekzekutive Evropiane të Arsimit dhe Kulturës (EACEA). As Bashkimi Evropian dhe as EACEA nuk mund të mbajnë përgjegjësi për to.
