Faglig innhold

Norskdidaktikk - didaktiske, teoretiske og kulturelle innfallsvinklar dreiar seg om norskfagets utvikling og samansette fagdidaktikk og kunnskapsinnhald. I tillegg til at denne forståinga er viktig for studentane som lærarar, er det også eit poeng at studentane blir øvde i å sjå kunnskapsinnhaldet i faget innanfor ein større vitskapleg tradisjon som framtidige masterskrivarar.

Emnet skal bidra med å gi perspektiv på og sjå heilskap og samannhengar i norskfaget og norskdidaktikken gjennom historiske, kulturelle, didaktiske og teoretiske inngangar. Kultur- og danningsdimensjonen i faget blir vektlagd, saman med perspektiv på språk og tekst i endring og utvikling. Emnet skal gi innsikt i overordna teoriar om språk og litteratur - og bruken av desse i analysar av ulike typar tekstar og diskursar. Desse teoriane møter studentane igjen i meir spesifikke samanhengar seinare i studiet. Forskingsmetodiske perspektiv blir også tematiserte i presentasjonar av forskingsprosjekt relevante for emnet.

Læringsutbytte

Kunnskapar

Studenten

• har inngåande kunnskap om norskfaget i skulen, dei ulike hovedområda og grunnleggende trekka ved dannings- og kulturmålsettingar i faget
• har systematisk oversikt over relevante teoriar om språk og litteratur, tekst og diskursar
• har sjølvstendig innsikt i vitskapleg tilnærming til norskfaget og norskdidaktikken
• har inngåande kunnskap om kva føringar ulike tekstkulturar, språkleg mangfald og språkendring legg for norskfaget

Ferdigheiter

Studenten

• kan ta i bruk og reflektere kritisk over relevante teoriar, metodar og tolkingar som kan knytast til hovudområda i norskdidaktikken
• kan analysere og bruke faghistorisk innsikt på ein sjølvstendig måte i refleksjonar over praktiske og teoretiske norskfaglege spørsmål
• kan analysere og forhalde seg kritisk til forskingsmetodiske problemstillingar i faglitteraturen

Generell kompetanse

Studenten

• kan plassere aktuell norskdidaktisk forsking i ein teoretisk og faghistorisk samanheng, som grunnlag for kritisk refleksjon og utvikling av eigen fagposisjon
• kan ta i bruk fagleg og didaktisk kunnskap i analysar av relevante norskfaglege problemstillingar i skulen og omsette dette til relevant praksis
• kan formidle og diskutere problemstillingar knytte til overordna historiske, faglege og kulturelle føringar/dimensjonar i norskfaget

Læringsformer og aktiviteter

Refleksjons- og tenkearbeidet til studentane vil i stor grad handle om å binde saman dei ulike elementa i emnet, gjennom arbeid med pensum.

Arbeids- og læringsformene i studiet vekslar mellom førelesingar, seminar, studentpresentasjonar og diskusjonar. Det blir stilt høge krav til studentmedverknad, og det blir forventa at alle studentane bidrar aktivt i studiet. Noko undervising kan føregå på engelsk.

Obligatoriske aktiviteter

• Inntil 3 refleksjonstekstar
• Deltakelse i tekstseminar og minst ett framlegg på og ledelse av slikt seminar

Spesielle vilkår

Anbefalte forkunnskaper

Bestått norsk 2 (30 studiepoeng) eller tilsvarande

Forkunnskapskrav

Studenten må ha bestått Norsk 1 og gjennomført Norsk 2 for å kunne starte på emne i syklus 2. Bestått blir forstått som at studenten har fullført og bestått eksamen i emnet. Gjennomført blir forstått som at alle obligatoriske arbeidskrav i emnet er godkjende, med andre ord at studenten er eksamensklar.

Kursmateriell

Endeleg pensumliste blir lagd ut på Blackboard før studiestart.

Studiepoengreduksjon